Kathin hai raah guzar thori door sath chalo

kathin hai raah guzar thori door sath chalo
bohot kara hai safar thori door sath chalo

tamam umr kahan koi sath deta hai
ye janta hoon magar thori door sath chalo

nashay main choor hoon main bhi tumain bhi hosh nahi
bara maza ho agar thori door sath chalo

ye aik shab ki mulaqat bhi ghanimat hai
kisay hai kal ki khabar thori door sath chalo

abhi to jaag rahr hain charag rahon k
abhi hai door sehar thori door sath chalo

tawaf manzil e janaa hamain bhi karna hai
Faraz tum bhi agar thori door sath chalo