Zindagi K Maile Mein Khawahishon K Raile Mein

Zindagi K Maile Mein,
Khawahishon K Raile Mein,
Tum Se Kiya Kahen Jaanan?
Is Qadar Jhamaile Mein,
Waqt Ki Rawani Hai Bakhat Ki Girani Hai,
Sakhat Bezameeni Hai Sakhat Laa-Makaani Hai,
Hijer K Sumandar Mein,
Takht Aur Takhte Ki Ik Hi Kahani Hai,
Tum Ko Jo Sunani Hai,
Baat Go Zara Si Hai,
Baat Umer Bhar Ki Hai,
Umer Bhar Ki Baaten Kab Do Ghari Mein Hoti Hain?

Dard K Sumandar Mein,
Un-Ginat Jazeere Hain,Beshumaar Moati Hain,
Aankh K Dariche Mein Tum Ne Jo Sajaya Tha,
Baat Us Diye Ki Hai,
Baat Us Gile Ki Hai,
Jo Lahu Ki Khalwat Mein Choar Ban K Aata Hai,
Lafz Ki Faseelon Pe Toot Toot Jaata Hai,
Zindagi Se Lambi Hai,Baat Us Ratjage Ki Hai,
Raaste Mein Kaise Ho?
Baat Takhliye Ki Hai,

Takhliye Ki Baat Mein Guftagu Izaafi Hai,
Pyaar Karne Walon Ko Ik Nigaah Kaafi Hai,
Ho Sake To Sun Jaao Ik Din Akaile Mein,
Tum Se Kiya Kahen Jaana Is Qadar Jhamaile Mein?

By:Amjad Islam Amjad