Mujhe Bekhudi Ki Hai Aarzu,Mujhe Qurbaton Ka Khumaar Day

Mujhe Bekhudi Ki Hai Aarzu,Mujhe Qurbaton Ka Khumaar Day,
Mere Ang Ang Mein Yun Uter,K Mujhi Mein Khud Ko Utaar Day,

Tu Jo Poor Poor Mein Bas Gaya To Hai Dooriyon Ka Jawaaz Kiya,
Meri Zindagi Mere Paas Aa,Meri Bekali Ko Nikhaar Day,

Meri Zindagi Pe Muheet Hain Wohi Wahshaten Wohi Dooriyan,
Main Khizaan Raseeda Si Shaam Hon,Mujhe Apne Rukh Ki Baahaar Day,

Meri Bebasi Hai Baja Mager Mere Shoaq Ka Bhi Hisaab Kar,
Main Siyaah Naseeb Jo Hon,Ager Tu Mera Naseeb Sanwaar Day,

Hai Nazar Nazar Teri Justaju Tu Meri Wafa Ki Hai Aabru,
Kabhi Yun Bhi Ho Mere Rubaru,Mujhe Jaan Se Hi Ghuzaar Day,

Mujhe Is Tarhan Tu Yaad Aa Teri Yaad Ka Bhi Gumaan Na Ho,
Tu Mere Khayaal Mein Yun Sama Mera Harf Harf Nikhaar Day,