Ahsaas Ban K Wo Meri Zaat Mein Raha Karta Hai

Ahsaas Ban K Wo Meri Zaat Mein Raha Karta Hai,
Ik Wo Shaks Hai Jo Mujh Mein Hi Basa Karta Hai..

Meri Aankhon Mein Nazar Aata Hai Chehra Bas Us Ka,
Us Hi Ka Tabasum Mere Honton Pe Khila Karta Hai..

Mere Lafzon Se Adaa Hoti Hain Baaten Us Ki Hi,
Mere Lehje Se Gharur Us Ka Hi Chalka Karta Hai,

Meri Neendon Pe Hai Barson Se Hukoomat Us Ki,
Khuwaab Ban K Wo Meri Palkon Pe Saja Karta Hai,

Is Had Tak Meri Hasti Mein Moajud Hai Wo Ik Mere..
Her Naqsh Mein Hi Aks Us Ka Hi Mila Karta Hai..