Mujhy Acha Sa Lagta Hai

Mujhy Acha Sa Lagta Hai..!!

Tumhary Sang Sang Chalna,
Wafa Ki Aag Mein Jalna
Tumhein Naraaz Kar Dena,
Kabhi Khud Bhi Rooth Jaana

Mujhy Acha Sa Lagta Hai..!!

Tumhari Be-Rukhi Pr Bhi,
Tumhari Aarzu Karna
Khud Apny Dil Ki Dharkan Sy,
Tumhari Guftugu Karna

Mujhy Acha Sa Lagta Hai,
Bohat Acha Lagta Hai..!!

Tum Hi Ko Dekhty Rehna,
Tumhi Ko Sochty Rehna
Bohat Gehre Khayalon Mein,
Jawabon Mein Sawalon Mein
Mohabbat Ke Hawalon Mein,
Tumhara Naam Aa Jana

Mujhe Acha Sa Lagta Hai..!!