Roz Dekha Hai Shafaq Se Wo Pighalta Sona

Roz Dekha Hai Shafaq Se Wo Pighalta Sona,
Roz Socha Hai K Tum Mere Ho Na,

Main To Kanch K Darya Me Behi Jaati Hon,
Khanakte Howe Humraz Mujhe Sun Lo Na,

Kaan Me Main Ne Pahan Li Hai Tumhari Awaaz,
Ab Mere Waste Be-Kaar Hai Chandi Sona,

Meri Khamoshi Ko Saja Do, Chupke Se Aa Kar,
Ik Ghazal Tum Bhi Mere Naam Kabhi Likho Na,

Rooh Me Geet Uter Jaate Hain Jaise Khushbu,
Gungunati Si Koi Shaam Mujhe Bhejo Na,

Chandani Us K Qatron Me Simat Jaye Gi,
Tergi Subha Sweray Me Kaheen Khoo Do Na,

Phir Se Aankhon Me Koi Rang Saja Lay Naina,
Kab Se Khuwabon Ko Yahan Bhool Gayi Thi Bona,

By:Farzana Naina