Main Lamhon Ko Waqt Ki Pukaar Daita Hon

Main Lamhon Ko Waqt Ki Pukaar Daita Hon,
Isi Lagan Me Kai Shaamen Ghuzaar Daita Hon,

Main Yun Hi Her Ik Se Be-Rabt Nhi Milta,
Her Shakhs Ko Uska Mayaar Daita Hon,

Main Ghum Ki Kashti Ko Dabona Nhi Chahta,
Boojh Barh Jaye To Kuch Utaar Daita Hon,

Khushiyan Koi Mange To Muft Daita Hon,
Gham Mange Koi To Udhaar Daita Hon,

Badla Laina Meri Fitrat Nhi Hai Saify,
Koi Khizan Day To Badle Me Bahaar Daita Hon,