Teray hutay huaye mehfil main jalaty hain chiragh

 تیــرے ہوتے ہوئے محــفل میں جلاتے ہیں چراغ،
لوگ کیا سادہ ہیں سورج کو دکھاتے ہیں چراغ !!
اپنی محرومی کے احساس سے شرمندہ ہیں،
خود نہیں رکھتے تو اوروں کے بجھاتے ہیں چراغ !!
بستیاں دور ہوئی جاتی ہیں ۔۔۔۔۔۔۔۔۔۔۔۔۔۔۔ رفتہ رفتہ
دمبدم آنکھوں سے چھپتے چلے جاتے ہیں چراغ !!
کیا خبر ان کو کہ دامن بھی بھڑک اٹھتے ہیں ۔۔۔۔۔
جــــو زمانے کی ہــــواؤں سے بچاتے ہیں چراغ !!
گو سیہ بخت ہیں ہم لوگ پر روشن ہے ضمیر ۔۔۔۔۔۔!
خود اندھیرے میں ہیں، دنیا کو دکھاتے ہیں چراغ !!
بستیاں ۔۔۔۔۔۔۔۔۔۔۔۔۔۔۔۔ چاند ستاروں کی بسانے والو !!
کــــــرہءِ ارض پــــــہ بجھتے چلے جاتے ہیں چراغ !
ایسے بے درد ہوئے ہم بھی کہ اب گلشن پر ۔۔۔۔۔۔۔۔۔
برق گــــــرتی ہے تو زنداں میں جلاتے ہیں چراغ !!
ایسی تاریکیاں آنکھوں میں بسی ہیں کہ، ۔۔۔۔!!
رات تو رات ہے ۔۔۔۔۔۔۔۔۔۔۔ ہم دن کو جلاتے ہیں چراغ !!