Dil Chahta Hai

Tum Office Se Thak K Aao,
Aa Kar Meri Goad Mein Laito,
Phir Main Tumhare Baal Sehlaon,
Tum Mujh Ko Apne Office Ki,
Din Bhar Ki Roaddad Sunao,
Baaton Baaton Mein Phir Jaanan,
Zikar Karo Ik Dosheeza Ka,
Us Ki Mohabat Aur Wafa Ka,
Tab Main Ruth K Mood Banaon,
Aankhon Mein Aansu Bhar Laon,
Phir Tum Hans K Sorry Bolo,
Mere Kaanon Mein Ras Gholo,

"Dil Chahta Hai"
Sardi K Mosam Mein Kisi Din,
Book Lay Kar Tum Lawn Mein Baitho,
Her Su Bikhri Dhoop Ko Seeko,Mujh Ko Socho,
Tab Main Tumhare Peeche Aa Kar Thande Yakh Haathon Ko,
Teri Aankhon Pe Jo Rakh Don,
Tum Jhanjhlao,Mood Banao,
Aankhon Se Hathon Ko Hatao,
Lakin Phir Jab Mujh Ko Dekho,
Hans Kar Jaana Khush Ho Jao,

"Dil Chahta Hai"
Jab Bhi Kabhi Pyara Mosam Ho,
Rim Jhim Baarish Aur Ghata Ho,
Tab Main Tumhare Sang Sang Jaana,
Tar Coal Ki Lambi Sarak Per,
Chalti Jaon,Chalti Jaon,
Dil Ki Baaten Khoob Sunaon,

"Dil Chahta Hai"
Jab Bhi Mujhe Koi Dukh Tarpaaye,
Baat Karon Aur Aankh Bhar Aaye,
Duniya Nit Naye Zakham Lagaye,
Tab Tum Mere Samne Aaon,
Dheere Se Chehre Ko Uthao,
Aur Ye Pocho Kyun Royi Ho?
Tab Main Aansu Ponch K Hans Don,
Tere Kandhe Per Sir Rakh Don,
Palken Mondon Aur So Jaon,
Her Dukh Se Bekhabar Ho Jaon,
Dil Chahta Hai Jaan-E-Jaanan,