بھُلا تو دے گا، مگر

بھُلا تو دے گا، مگر ۔۔۔۔۔۔۔۔ 
ابھی کچھہ ۔۔۔۔۔۔۔۔۔ 
گزشتہ لمحوں کا ذکر لے کر ۔۔۔۔۔۔
خِزاں کی رُت میں ۔۔۔۔۔۔ 
آوارہ پتوں کے سنگ چلے گا !! 
ہوا کی لہروں پہ چُپکے چُپکے ۔۔۔۔۔۔۔
عذابِ جاں کے سِتم لکھے گا !!!
ابھی تو وہ بھی اسیرِ غم ہے ۔۔۔۔۔۔۔
اسی مسافت پہ گامزن ہے ۔۔۔۔۔۔!!
ابھی تو کچھہ دن میری طرح وہ ۔۔۔۔۔۔
شکستہ خوابوں کی کرچیوں کو ۔۔۔۔۔۔۔
نرم ہاتھوں کی انگلیوں کے ۔۔۔۔۔۔۔
ہاں ۔۔۔۔۔۔۔۔۔۔
زخمی پوروں سے جب چُنے گا ۔۔۔۔۔۔
تو، کیا کرے گا ۔۔۔۔۔۔۔۔۔۔؟؟؟؟
تو، آگے رستوں پہ آتے جاتے ۔۔۔۔۔۔۔۔۔
کسی تجسس میں جب رُکے گا ۔۔۔۔۔۔!!
میرا یقیں ہے ۔۔۔۔۔۔۔ وہ رو پڑے گا !!
مگر، کہاں تک ۔۔۔۔۔۔۔۔۔۔؟؟؟؟؟
نئے دِنوں پہ، وہ ٹال رکھے ۔۔۔۔۔۔
گزشتہ لمحوں کی تتلیوں کو ۔۔۔۔۔۔۔۔
بھلا کہاں تک سنبھال رکھے ۔۔۔۔۔۔۔۔؟؟؟
ابھی تو کچھہ دن ۔۔۔۔۔۔۔۔۔
گئے دِنوں کا بھرم رھے گا ۔۔۔۔۔!!
سہم سہم کر قدم رکھے گا ۔۔۔۔۔۔!!!
بُھلا تو دے گا، مگر ۔۔۔۔۔۔۔۔۔۔۔۔
گزشتہ لمحوں کا ذکر لے کر ۔۔۔۔۔۔۔۔۔۔
"میرا یقیں ہے وہ رو پڑے گا "