Kisi Ko Alwida Kehna Bohat Takleef Daita Hai

Kisi Ko Alwida Kehna
Bohat Takleef Daita Hai
Umeedain Toot Jati Hain
Yaqeen Pe Be-Yaqeeni Ka Kohar Kuch Aisa Charhta Hai
Dikhai Kuch Nai Daita, Sujhai Kuch Nai Daita
Dowa K Lafz Honton Per Musalsal Kapkapaty Hain
Kisi Khawaish K Andaishay
Zehan Mein Dor Jaty Hain
Gumaan Kuch Aisy Hota Hai
K Jaisy Mil Na Paein Gay
Yeh Gehray Zakham Furqat K Kisi Se Sil Na Paein Gay
Kabhi Aisa Bhi Ho Ya Rab
Dowaein Maan Laita Hai
Tu Koi Mojza Kr Day Tu Aisa Kr Bhi Sakta Hai
Mery Hathon Ki Janib Daikh Inhain Tu Bhar Bhi Sakta Hai
Judai Ki Yeh Teekhi Dhaar Dilon Ka Khoon Krti Hai
Judai Ki Aziyat Se
Mera Dil Ab Bhi Darta Hai
Judai Do Ghari Ki Ho Tu Koi Dil Ko Samjhaye
Judai Chaar Pal Ki Ho Tu Koi Dil Ko Behlaye
Judai Umer Bhar Ki Ho
Tu Kia Chara Karay Koi
K Ek Milnay Ki Hasrat Mein Bhala Kab Tk Jiye Koi
Mery Maula Karam Kr Day Tu Aisa Kr Bhi Sakta Hai
Mery Hathon Ki Janib Daikh Inhain Tu Bhar Bhi Sakta Hai.