Meray ander kayo sadyon ky sanaton ka dera hy

میرے اندر کئی صدیوں کے سنّاٹوں کا ڈیرہ ہے !
میرے الفاظ بانہیں وا کیے مجھ کو بُلاتے ہیں !!
مگر،،،،،،، میں تھک گیا ہوں ۔۔۔۔۔۔۔۔۔۔ اور
میں نے خامُشی کی گود میں سر رکھ دیا ہے !
میں بالوں میں تمہارے ہِجر کی نرم اُنگلیاں محسوس کرتا ہوں !!
میری پلکوں پہ جلتے خواب ہیں اب راکھ کی صورت،
تمہارے وصل کا ریشم بھی اب نیندیں نہیں بُنتیں !!!
میری آنکھوں میں جیسے تھر کے موسم کا بسیرا ہے
مجھے اندر کے سنّاٹوں میں گہری نیند آتی ہے !!
سُنو ۔۔۔۔۔۔۔۔۔۔ !!
اس یاد سے کہہ دو ۔۔۔۔۔۔۔۔۔
مُجھے کچھ دیر سونے دے !