Jamaal-e-Yaar Ko Dekhon Kamaal-e-Yaar Se Pehle

Jamaal-e-Yaar Ko Dekhon Kamaal-e-Yaar Se Pehle
Main Khushbu Ki Tarha Mehkon Khayaal-e-Yaar Se Pehle

Karishmen Hussn K Sooraj Sitare Phool Zahir Hain
Magar Main Kis Taraf Dekhon Misaal-e-Yaar Se Pehle

Duaon Mein Meri Yon To Bohat Taseer Hai Lekin
Khuda Se Or Kiya Mangon Sawaal-e-Yaar Se Pehle

Hai Aadat Door Rehne Ki Agar Wo Saamne Aaye
Main Shaam-e-Zindagi Chahon Wisaal-e-Yaar Se Pehle..