Aaj to be sbab Udas hy je

آج تو بے سبب اُداس ہے جی
عشق ہوتا تو کوئی بات بھی تھی

جلتا پِھرتا ہوں کیوں دوپہروں میں
جانے کیا چیز کھو گئ میری

وہیں پھرتا ہوں میں بھی خاک برسر
اِس بھرے شہر میں ہے ایک گلی

چُھپتا پھرتا ہے عشق دُنیا سے
پھیلتی جا رہی ہے رُسوائی

ہمنشیں کیا کہوں کہ وہ کیا ہے
چھوڑ یہ بات نیند اُڑنے لگی

آج تو وہ بھی کُچھ خاموش سا تھا
میں نے بھی اُس سے کوئی بات نہ کی

ایک دم اُس کے ہاتھ چوم لئے
یہ مجھے بیٹھے بیٹھے کیا سوجھی

تُو جو اِتنا اُداس ہے ناصر
تُجھے کیا ہو گیا بتا تو سہی

ناصر کاظمی