KAHIN SE LAFZ MIL JAYEN.........

Mujhe ek nazm likhni ha 

Kahin se lafz mil jayen
Main bebas hoon
Koi tashbih na koi ista'ara theek lagta ha
Kahan se lafz wo laon, jo dil ka haal keh payain
Mujhe kitni muhabat ha
Mujhe kitni aqeedat ha
Mujhe kitni zarurat ha
Main batla doon unhain sab kuch kahin se lafz mil jayen
Muje maan ki dua se jo hawa-e-khuld ati ha
Usy kaisy main likhoon ga
Mery abu ki shafqat jo mujy jeena sikhati ha
Usy kaisy main likhoon ga
Main bebas hoon
Kahan se lafz wo laon, jo dil ka haal keh payain
Main aisy lafz dhoondoon ga
Jinhain likhoon to kaghaz per diye se jagmaga uthain
Jinhain sochoon to zehn-o-dil ka har gosha mehak jaye
Jinhain honton pe laon to dua k phool khil jayen
Kahin se lafz mil jayen
Dhanak orhy huay kuch lafz mujhko dhoondhny hongay
K jin se nazm likhoon ga
Unhain sab kuch bataon ga
Mujhy kitni muhabat ha
Mujhy kitni aqeedat ha ...... !

Cutee Shona