Tumhin kasay Batayin hum

ﺗﻤﮩﯿﮟ ﮐﯿﺴﮯ ﺑﺘﺎﺋﯿﮟ ﮨﻢ....
ﻣﺤﺒﺖ ﺍﻭﺭ ﮐﮩﺎﻧﯽ ﻣﯿﮟ ﮐﻮﺋﯽ ﺭﺷﺘﮧ ﻧﮩﯿﮟ ﮨﻮﺗﺎ...
ﮐﮩﺎﻧﯽ ﻣﯿﮟ ﺗﻮ ﮨﻢ ﻭﺍﭘﺲ ﺑﮭﯽ ﺁﺗﮯ ﮨﯿﮟ...
ﻣﺤﺒﺖ ﻣﯿﮟ ﭘﻠﭩﻨﮯ ﮐﺎ ﮐﻮﺋﯽ ﺭﺳﺘﮧ ﻧﮩﯿﮟ ﮨﻮﺗﺎ...
ﺫﺭﺍ ﺳﻮﭼﻮ !
ﮐﮩﯿﮟ ﺩﻝ ﻣﯿﮟ ﺧﺮﺍﺷﯿﮟ ﮈﺍﻟﺘﯽ ﯾﺎﺩﻭﮞ ﮐﯽ ﺳﻔﺎﮐﯽ...
ﮐﮩﯿﮟ ﺩﺍﻣﻦ ﺳﮯ ﻟﭙﭩﯽ ﮨﮯ ﮐﺴﯽ ﺑُﮭﻮﻟﯽ ﮨﻮﺋﯽ ﺳﺎﻋﺖ ﮐﯽ ﻧﻢ ﻧﺎﮐﯽ...
ﮐﮩﯿﮟ ﺁﻧﮑﮭﻮﮞ ﮐﮯ ﺧﯿﻤﻮﮞ ﻣﯿﮟ ﭼﺮﺍﻍِ ﺧﻮﺍﺏ ﮔُﻞ ﮐﺮﻧﮯ ﮐﯽ ﺳﺎﺯﺵ ﮐﻮ....
ﮨﻮﺍ ﺩﯾﺘﯽ ﮨﻮﺋﯽ ﺭﺍﺗﻮﮞ ﮐﯽ ﭼﺎﻻﮐﯽ ﻣﮕﺮ ﻣﯿﮟ ﺑﻨﺪﮦ ﺧﺎﮐﯽ...
ﻧﮧ ﺟﺎﻧﮯ ﮐﺘﻨﮯ ﻓﺮﻋﻮﻧﻮﮞ ﺳﮯ ﺍُﻟﺠﮭﯽ ﮨﮯ ﻣﺮﮮ ﻟﮩﺠﮯ ﮐﯽ ﺑﮯ ﺑﺎﮐﯽ...
ﻣﺠﮭﮯ ﺩﯾﮑﮭﻮ!
ﻣﺮﮮ ﭼﮩﺮﮮ ﭘﮧ ﮐﺘﻨﮯ ﻣﻮﺳﻤﻮﮞ ﮐﯽ ﮔﺮﺩ....
ﺍﻭﺭ ﺍِﺱ ﮔﺮﺩ ﮐﯽ ﺗﮩﮧ ﻣﯿﮟ ﺳﻤﮯ ﮐﯽ ﺩُﮬﻮﭖ ﻣﯿﮟ ﺭﮐﮭﺎ ﺍِﮎ ﺁﺋﯿﻨﮧ....
ﺍﻭﺭ ﺁﺋﯿﻨﮯ ﻣﯿﮟ ﺗﺎ ﺣﺪ ﻧﻈﺮ ﭘﮭﯿﻠﮯ...
ﻣﺤﺒﺖ ﮐﮯ ﺳﺘﺎﺭﮮ ﻋﮑﺲ ﺑﻦ ﮐﺮ ﺟﮭﻠﻤﻼﺗﮯ ﮨﯿﮟ...
ﻧﺌﯽ ﺩﻧﯿﺎﺅﮞ ﮐﺎ ﺭﺳﺘﮧ ﺑﺘﺎﺗﮯ ﮨﯿﮟ...
ﺍِﺳﯽ ﻣﻨﻈﺮ ﻣﯿﮟ ﺁﺋﯿﻨﮯ ﺳﮯ ﺍُﻟﺠﮭﯽ ﮐﭽﮫ ﻟﮑﯿﺮﯾﮟ ﮨﯿﮟ...
ﻟﮑﯿﺮﻭﮞ ﻣﯿﮟ ﮐﮩﺎﻧﯽ ﮨﮯ...
ﮐﮩﺎﻧﯽ ﺍﻭﺭ ﻣﺤﺒﺖ ﻣﯿﮟ ﺍﺯﻝ ﺳﮯ ﺟﻨﮓ ﺟﺎﺭﯼ ﮨﮯ...
ﻣﺤﺒﺖ ﻣﯿﮟ ﺍﮎ ﺍﯾﺴﺎ ﻣﻮﮌ ﺁﺗﺎ ﮨﮯ...
ﺟﮩﺎﮞ ﺁ ﮐﺮ ﮐﮩﺎﻧﯽ ﮨﺎﺭ ﺟﺎﺗﯽ ﮨﮯ...
ﮐﮩﺎﻧﯽ ﻣﯿﮟ ﺗﻮ ﮐُﭽﮫ ﮐﺮﺩﺍﺭ ﮨﻢ ﺧﻮﺩ ﻓﺮﺽ ﮐﺮﺗﮯ ﮨﯿﮟ...
ﻣﺤﺒﺖ ﻣﯿﮟ ﮐﻮﺋﯽ ﮐﺮﺩﺍﺭ ﺑﮭﯽ ﻓﺮﺿﯽ ﻧﮩﯿﮟ ﮨﻮﺗﺎ...
ﮐﮩﺎﻧﯽ ﮐﻮ ﮐﺌﯽ ﮐﺮﺩﺍﺭ ﻣﻞ ﺟُﻞ ﮐﺮ ﮐﮩﯿﮟ ﺁﮔﮯ ﭼﻼﺗﮯ ﮨﯿﮟ....
ﻣﺤﺒﺖ ﺍﭘﻨﮯ ﮐﺮﺩﺍﺭﻭﮞ ﮐﻮ ﺧﻮﺩ ﺁﮔﮯ ﺑﮍﮬﺎﺗﯽ ﮨﮯ...
ﮐﮩﺎﻧﯽ ﻣﯿﮟ ﮐﺌﯽ ﮐﺮﺩﺍﺭ ﺯﻧﺪﮦ ﮨﯽ ﻧﮩﯿﮟ ﺭﮨﺘﮯ...
ﻣﺤﺒﺖ ﺍﭘﻨﮯ ﮐﺮﺩﺍﺭﻭﮞ ﮐﻮ ﻣﺮﻧﮯ ﮨﯽ ﻧﮩﯿﮟﺩﯾﺘﯽ....
کہانی کے سفر میں منظروں کی دهول اڑتی ہے..
محبت کی مسافت راه گیروں کو بکهرنے ہی نہیں دیتی...
محبت اک شجر ہے..
اور شجر کو اس سے کیا مطلب کے اس کے ساۓ میں...
جو بهی تهکا ہارا مسافر آکے بیٹها ہے...
اب اس کی نسل کیا ہے؟
رنگ کیسا ہے؟
کہاں سے آیا ہے کس سمت کو جانا ہے ؟
شجر کا کام تو بس چهاؤں دینا ہے..
دهوپ سہنا ہے...
اسے اس سےغرض کیا ہے پڑاؤ ڈالنے والوں میں کس نے تقسیم کا جهگڑا اٹهایا ہے؟
کہاں کس نے کس عہد کو توڑا ہے؟
کہاں وعدہ نبهایا ہے؟
مگر ہم جانتے ہیں جاناں!
چهاؤں جب تقسیم ہو جاۓ...
تو اکثر دهوپ کے نیزے رگ و پے میں اترتے ہیں ...
اور اس کے زخم خوردہ لوگ جیتے ہیں نہ مرتے ہیں...