Hai Mere Waaste Dua,Mera Ishq

Hai Mere Waaste Dua,Mera Ishq,
Mujh Ko Zarkhaiz Kar Gaya,Mera Ishq,
Tujh Ko Hi Mangna Nhi Aaya, 
Meri Jholi To Bhar Gaya, Mera Ishq,
Sab Ne Apni Salamti Maangi, 
Main Pukari K Aay Khuda,Mera Ishq,
Pehle Main Noor Se Hui Waqif,
Aur Phir Mujh Pe Khul Gaya,Mera Ishq,
Weham Ne Ikhtyaar Ki Ik Shakal,
Phir Mere Dil Mein Aa Basa,Mera Ishq,
Ye Zeyarat Bhi Hai Tilawat Bhi,
Aik Chehre Pay Likha Hai, Mera Ishq,
Mere Kamre Ki Kainaat Main Aa,
Nazar Aaye Ga Ja Bja, Mera Ishq,
Tum Alif, Laam, Meem Main Dhundo,
In Hi Harfon Main Hai Chupa,Mera Ishq,