Yehi Tou hein La-Jawab Aankhein Inhi Mein Ulfat, Inhi Mein Nafrat

Yehi Tou hein La-Jawab Aankhein,
Inhi Mein Ulfat, Inhi Mein Nafrat,
Sawab Ankhen Azaab Ankhen,

Kabhi Nazar Mein Bala Ki Shokhi
Kabhi Sarapa-e-Hijab Aankhen
Kabhi Chupati Hein Raaz Dil K
Kabhi Hein Dil Ki Kitab Aankhein,

Ksi Ny Dekhi Tou Jheel Jesi
Ksi Ny Paien Seerab Aankhein
Woh Aaye Tou Log Mujh Sy Boly
Hazoor Aankhen Janab Aankhen,

Ajeeb Tha Guftago Ka Aalam
Sawal Koi Jawab Aankhein,
Yeh Mast Mast Be-Misaal Aankhein
Mashy Sy Har Dam Nidhaal Aankhen,

Uthien Tou Hosh-o-Hawas Cheenein
Giren Tou Kr Dein Kamal Aankhen
Koi hai In K Karam Ka Taalib
Ksi ka Shooq-e-Wisaal Aankhein,

Na Yun Jalaein Na Yun Sataein
Karein Tou Kuch Yeh Khayal Aankhein
Hein Jeeny Ka Ek Bahana
Yeh Rooh Parwar Jamal Aankhen,

Daraz Palken Wisaal Aankhein
Musawwari Ka Kamal Aankhein
Sharab Rab Ny Haram Kr Di
Magr Kiyun Rakhi Halal Aankhein

Hazarun In Sy Qatal Huye Hein
Khuda K Bandy Sambhal Aankhen....