Wo aik larki ky jis ki batain shahed jasi

وہ ایک لڑکی
کہ جسکی باتیں ھیں شہد جیسی
ادائیں جسکی ھیں دلبرانہ
وہ جب بھی ھنستی ھے تو یہ لگتا ھے
جیسے مندر کی نقرئی گھنٹیاں بجی ھوں
یا جیسے گھنگھرو چھنک اٹھے ھوں
یا جیسے کلیاں چٹک رھی ھوں
وہ کلیوں کی سی مہکتی لڑکی
اگر کبھی آئینے میں جھانکے تو
اپنی ھی ساحرانہ آنکھوں میں کھو سی جائے
میں سوچتا ھوں کہ اسکی آنکھیں
جو میری آنکھوں میں بس گئی ھیں
مرے ھی دل کی ھر ایک دھڑکن سے بے خبر ھیں
وہ بے خبر ھے
کہ میری آنکھیں نہ جانے کب سے
اسی کی آمد کی منتظر ھیں
وہ ایک لڑکی
میں کیا بتاؤں کہ کیسی ھے وہ
مرے خیالوں کے جیسی ھے وہ