Kiya Karti Hon Tanhai Mein Ashkon Se Wuzu Aksar

Kiya Karti Hon Tanhai Mein Ashkon Se Wuzu Aksar,
Tassawur Mein Raha Karti Hai Tujh Se Guftugu Aksar,

Teri Aankhon Mein Khud Ko Dhoondti Hon Is Liye Shayed,
K Apni Hi Raha Karti Hai Mujh Ko Justuju Aksar,

Takaa Karti Hon Tanha Baith Kar Pehron Jo Phoolon Ko,
Tumhari Un Mein Hoti Hai Shabahat Hu’bahu Aksar,

Wo Raaz Dil Jise Phoolon Ki Surat Dil Mein Rakha Tha,
Usi Ki To Mehak Phailli Hai Jaana, Chaarsu Aksar,

Sadaf! Deen-E-Wafa Ka Dum To Sab Bharte Hain Lakin Kyon,
Isi K Naam Per Galiyon Mein Behta Hai Lahu Aksar..