Ik Khawahish Hai Dil Mein Janam

Ik Khawahish Hai Dil Mein Janam,
Kuch Pagal Si Kuch Anjani Si,
Ho Raat Ka Her Su Sannata,
Bus Barish Ki Chan Chan Bole,
Aise Mein Tum Ho Saath Mere,
Mere Paas Mere Nazdeek Bohat,
Yak Dam Badal Ka Shoar Barhe,
Main Dar Jaon,Ghabra Jaon,
Aur Paas Tumhare Aa Jaon,
Sar Rakh Don Tumhare Seene Per,
Aur Haath Tumhare Haath Mein Ho,
Phir Yun Kuch Ho Ay Jaane-E-Jiger,
Mera Chehra Haathon Mein Lay Kar,
Tum Meri Aankhon Mein Dekho,
Aur Mujh Se Kuch Aise Bolo,
Kyun Baarish Roaz Nhi Hoti