Mili Har Qadam Per Rafaqat Tumhari

Mili Har Qadam Per Rafaqat Tumhari
Kahan Hum Kahan Yeh Inayat Tumhari

Humen Chahiye Bus Taaluq Tumhara
Muhabbat Mile Ya Adawat Tumhari

Kisi Se Bhi Milna Use Jeet Laina
Bari Dil Nashen Hai Ye Adat Tumhari

Na Dekha Jahan Main Koi Aur Tum Sa
Bari Munfarid Hai Tabiyat Tumhari

Humen Zindagi Ke Kayi Raston Par
Hamesha Rahe Gi Zaroorat Tumhari