Maa mujhay neend nahi aati

Maa mujhay neend nahi aati !!

Ek muddat se mujhay neend nahi aati hai

Maa! mujhay lori sunao na !!

Sula do na mujhay !!

Ratjageh ab to muqaddar hain meri palkon ke!

Neend aaye to le aati hai Baghdad ki yaad

Aankh lagte he koi beewah uthha deti hai

Pait kitna he bharon bhook nahi mit'ti hai

Jalte Basra ki yaad mujhay jaga deti hai

Koi Qandhaar ki waadi se bulata hai mujhay

Ziker Qandoz ka aaye to mujhay lagta hai ..

Kaat k ser koi hansta hai !!

Jalaata hai mujhey !

Bomb ki awazein mujhay kuch nahi kehti hain mager ...

Zakham in bachon ke sonay nahi detay hain mujhay !

Maa meri aankhein to pather ki hoi jati hain !

Noujawan lashain yeh ronay nahi deti hain mujhay !

Mere seenay pe rakho haath

rula do na mujhay !

Maa mujhay lori sunao na !

Sula do na mujhay !

 

Maa mujhay neend nahi aati hai !

Ek muddat se mujhay neend nahi aati hai..