Bichharne se zara pehle

Haseen yadon mein khoya tha bichharne se zara pehle,

Bara khush fehm soya tha bichharne se zara pehle.

Wo jis ka hath tak chhoony ko bay adbi samjhte the,

Galy se lag k roya tha bichharne se zara pehle.

Usay malom tha shayad judai hy muqadar mein,

Wo kin sochon me khoya tha bichharne se zara pehle.

Hamara piyar us lamhy bulandi per wafa ki tha,

Koi bhi gham na goya tha bichharne se zara pehle.

Hamary piyar k gulshan me jaany kis ne aa kar k,

Ghamon ka beej boya tha, bichharne se zara pehle.

Woh jis ko dekh lene se bari khush Sada rehti thi,

Boht hee aaj roya tha bichharne se zara pehle.