Jo Khayal Thay Na Kyaas Thay Wohi Log Mujh Se Bichar Gaye

Jo Khayal Thay Na Kyaas Thay Wohi Log Mujh Se Bichar Gaye,
Jo Mohabaton Ki Aasas Thay Wohi Log Mujh Se Bicher Gaye,

Jinhen Manta Hi Nhi Yeh Dil Wohi Log Mere Hain Humsafer,
Mujhe Her Tarhan Se Jo Raas Thay Wohi Log Mujh Se Bicher Gaye,

Mujhe Lamha Bhar Ki Rafaqaton K Sarab Aur Satayen Gay,
Mere Umer Bhar Ki Jo Pyaas Thay Wohi Log Mujh Se Bichar Gaye,

Yeh Khayal Saray Hain Aarzi Yeh Ghulab Hain Saray Kaghzee,
Gul-E-Aarzoo Ki Jo Baas Thay Wohi Log Mujh Se Bichar Gaye,

Jinhen Kar Saki Na Qabool Main Wo Shareek-E-Safar Howe,
Jo Meri Talab Meri Aas Thay Wohi Log Mujh Se Bicher Gaye,

Meri Dharkanon K Qareeb Thay Meri Chah Thay Mera Khawab Thay,
Wo Jo Roz-O-Shab Meray Paas Thay Wohi Log Mujh Se Bicher Gaye,